Tumbas Pit Anyar
Shira
sregep nabung duit sangune. Pas dino ulang tahune deweke kepengen tuku sepeda
anyar nganggo duite dewe. Sepedane sing lawas wis keciliken.
Sesuk iku dino ulang tahune. Deweke
mbukak celengane lan ngitung duite. Deweke katon kuciwo, amargo mung duwe Rp.
300.000.
“Wah
duite akeh banget! Kowe duwe duit piro nduk? Lan kenopo kowe katon ora seneng?”
“
Niki artone pancen kathah. Wonten tigangatus ewu….”
“Iku
cukup kanggo tumbas sepeda anyar tho?”
“Sepeda
niku rak modelipun kathah, reginipun inggih benten-benten. Nanging sepeda
engkang kula remen reginipun sekawan atus ewu kok.”
“Yowis,
tak paringi satus ewu , iki jupuken,” rama ndokokake duwit satus ewu ning mejo.
“Mboten
rama! Kulo kepengen tumbas sepeda ngangge arto kulo piyambak.”
“Yo
anggep wae…Iki hadiah ulang tahun mu. Dadi iki yo duwitmu dewe to.”
“Kulo
gadah ide engkang langkung sae. Rama maringi kulo sangu kangge setunggal wulan.
Saben dinten sangu kulo sekawan ewu rupiah. Dadose Rp.4000X30 hari = Rp.
120.000. kados pundi rama?
“Iku
ide sing hebat. Yo mesti wae rama setuju, bocah pinter.”
“Maturnuwun. Rama panci paling saendenging
donya.”
“Wah,
biasane nek ngene iki ana karepe….”
“Ihh…
rama, niku saestu kok. Menopo rama kerso ngrencangi kulo wonten tokonipun om
Jono?”
“Yo
mesthi rama kerso kanthi seneng nduk. Ayo tak terke saiki. Rama bakal dadi
konsultan sing paling apik.”
Shiraa
seneng banget, “Ibu…… rama kalian kulo badhe kesah wonten toko om Jono sakniki.
Assalammualaikum.”
“Wa’alaikumsalam,ati-ati
yo nduk.”
Rama
lagi wae mbuka lawang naliko telpon muni.
“Shiraa
ono telpon kanggo kowe. Soko Ana.”
“Tenggo
sekedap nggih rama,” Shiraa mlayu njawab telpon.
“Assalammualaikum.
Hai Ana.”
“Wa’alaikumussalam.
Jarene kowe seneng karo sepedaku yo. Opo kuwi bener Shiraa?”
“Yo,
iku pancen bener. Malahan aku kepengen tuku sepeda kaya nggonmu. Saiki aku arep
tuku ning tokone om Jono karo Rama.”
“Maaf
Shira, sejatine aku telpon kowe arep nawakke sepedaku. Maksudku nek kowe gelem
tulung sepedaku wae tukuo. Yo pancen ora anyar sih tapi ijik apik kok. Aku kan sregep ngopeni
sepedaku.
Shira
kaget banget krungu kabar iku.
“Ana,
aku ngerti kowe pancen sregep ngopeni sepedamu.
Nanging aku ora ngerti kenopo sepedamu arep di dol. Kowe lak seneng to?
“Aku
ngerti kowe mesthi kaget. Tapi aku butuh duwit kanggo….iki masalahe penting
banget.”
“Masalahe
opo tho? cobo critakno karo aku.”
“Opo
kowe krungu kabar yen ono lindu ning Yogja rong ndino kepungkur? Paklik ku
daleme Bantul. Omahe rusak. Indra sepupuku ketaton ing sirah lan gegere. Saiki
jik ning rumah sakit.”
“Oh,
aku melu belosungkowo yo.”
“Keluargaku
arep tilik keluarga paklik awan iki. Tak pikir aku kudu mbantu. Nek kowe gelem
tuku sepedaku aku lak duwe duwit kanggo….”
“Sepedamu
regane piro Ana?”
“Terserah
kowe. Iku kan
dudu sepeda anyar.”
“Aku
nduwe telung atus ewu saka celenganku lan satus ewu saka rama, piye?”
“Ojo,
iku kakehan. Kei aku rongatus seket ewu wae. Saiki sepedaku tak gawa neng
omahmu yo. Matur nuwun yo Shira, kowe apikan karo aku.”
“Yowis
tak tunggu yo.”
Udakara
limang menitan, Ana teko numpak sepedane. Sepedane pancen ijik apik tenan. Malah katon
ijik anyar.
“Iki
patang atus ewu rupiah kanggo sepedamu An.”
“Ojo
Shira. Iku kakehan. Sepedaku tukunen rongatus seket ewu wae.”
“Yowis
sepedamu tak tuku rongatus skeet ewu, trus iki satus skeet ewu kanggo sepupumu
Indra.”
Ana
banjur nangis lan nyikep Shira.” Matur nuwun Shiraa. Kowe pancen sahabatku.”
“Aku
seneng bisa mbantu awakmu. Titip salam kanggo Indra. Mugo-mugo cepet waras.”
“Maturnuwun
yo. Aku tak pamit saiki wae. Akeh sing kudu tak siapke.
“Titip
salam kagem keluargamu kabeh yo. Kito ugo melu belo sungkowo. Lan iki ono duwit
sithik saka kito sakeluargo.” Rama lan ibu maringi amplop putih kanggo Ana.
Ana
ora biso ngomong. Luh mili saka mripate kaya kali kang mili ning pipine.” luwih
becik kowe ndang mulih lan siap-siap. Ayo tak terke numpak sepedaku sing
anyar.” Ana mung manthuk.
“Matur
sembah nuwun nggih paklik lan bulik, Assalammualaikum.”
“Wa’alaikumussalam.
Ati-ati yo!”
THE
END
SELESAI
No comments:
Post a Comment